Qendra Kombëtare për Menaxhim Kufitar ka njoftuar për pritjet në pikat kufitare në Kosovë.
Pritjet më të gjata janë në pikëkalimin kufitar të Merdarit, ku pritjet janë deri në dy orë për të dalë nga Kosova.
Ekipi i emisionit Sot ka qëndruar sot në Merdar, e qytetarët janë shprehur të mllefosur me pritjet në kufi.
Qytetarët e intervistuar kanë thënë se kanë pritur deri në tri orë për të kaluar këtë pikë. Ata kanë bërë thirrje që shteti të intervenojë në mënyrë që të shmangen pritjet e gjata.
Pritje ka edhe në pikën kufitare Dheu i Bardhë deri në 40 minuta. Në Mutivodë pritjet qytetarët po presin deri në gjysmë ore ndërkaq në Vërmicë deri në 25 minuta.
Fluks më pak ka pasur për të hyrë në Kosovë.
