Princi serb Philip dhe princesha Danica Karagjorgjeviq kaluan fundjavën në Prizren dhe zonën e Rahovecit në Kosovë.

Të shtunën, çifti zhvilloi disa vizita nëpër këto dy vende.

Mediat serbe raportojnë se Princi Fillip është Karagjorgjeviqi i parë, pas Mbretit Aleksandër I, që ka vizituar Prizrenin.

Ata thuhet se pas liturgjisë vizituan kompleksin e manastirit dhe u takuan me një numër serbësh që jetojnë aty.

Në të njëjtën ditë, pasdite, Princi Filip dhe Princesha Danica thuhet se kanë qëndruar në Hoçë të Madhe dhe Rahovec.