Në një zhvillim të rëndësishëm diplomatik, Princi i Kurorës i Arabisë Saudite, Mohammed bin Salman, ka theksuar “mbështetjen” e shtetit të tij për të gjitha nismat që synojnë përfundimin e luftës në Ukrainë.
Ky mesazh u dha gjatë një bisede telefonike me presidentin rus, Vladimir Putin.
Ministria e Jashtme saudite bëri të ditur se Princi Mohammed riafirmoi përkushtimin e Arabisë Saudite për të mbështetur çdo iniciativë që synon një zgjidhje politike të konfliktit, duke përfshirë një plan të mundshëm armëpushimi.
Ky zhvillim ka ardhur pas një takimi në Xhedah më 14 mars, ku Ukraina ka pranuar një propozim të Shteteve të Bashkuara për një armëpushim 30-ditor.
Pas pranimit të propozimit amerikan nga Ukraina, përfaqësuesit e Shteteve të Bashkuara dhe Ukrainës rinisën dërgimin e armëve dhe ndarjen e informacioneve të inteligjencës me Kievin, pas një periudhe të tensionuar lidhur me politikën amerikane ndaj Ukrainës.
Nga ana tjetër, presidenti Putin më 13 mars pranoi këtë propozim në parim, por ka theksuar se mbeten ende çështje të paqarta që duhen sqaruar, përfshirë çështjen e furnizimit të Ukrainës me armë perëndimore.
Kremlini ka deklaruar gjithashtu se Putin shprehu gatishmërinë për të vazhduar kontributin e tij në normalizimin e marrëdhënieve ruso-amerikane.
Shtetet e Bashkuara kanë bërë të qartë se tani “topi është në fushën e Rusisë” derisa presin që Kremlini të japë përgjigje konkrete ndaj propozimeve për armëpushim.
/GazetaSinjali/