Prezantohet si sigurim i Kuvendit dhe ia merr gati 3 mijë euro prizrenasit për ta nxjerr nga burgu

Policia e Kosovës ka arrestuar një person në Prizren, pasi duke thënë se punon në sigurim të Kuvendit të Kosovës e kishte mashtruar një person.

Siç njofton PK i dyshuari ia kishte kërkuar viktimës 2 mijë e 650 euro, duke i premtuar se do t’i ndihmojë një personi për ta nxjerr nga burgu, pasi që i njeh prokurorët dhe gjyqtarët.

“Është arrestuar i dyshuari mashkull kosovar, pasi që i njëjti ishte prezantuar se punon në sigurim të Kuvendit të Kosovës dhe e kishte mashtruar viktimën mashkull kosovar, duke i kërkuar 2650 euro, i kishte premtuar se do t’i ndihmojë një personi për ta nxjerr nga burgu, pasi që sipas tij i njeh prokurorët dhe gjyqtarët. Me urdhër të prokurorit, i dyshuari dërgohet në mbajtje”, thuhet në raport.