Presidentja e Kosovës, Justina Shiroka-Pula, ka pranuar letra urimi nga Mbreti i Suedisë, Carl Gustaf R, dhe presidentët e Hungarisë e Letonisë, me rastin e zgjedhjes dhe marrjes së detyrës si Presidente e Republikës së Kosovës.
Sipas njoftimit të Presidencës më 17.10.2026, Mbreti i Suedisë i ka përcjellë urimet e tij Shiroka-Pulës, duke i dëshiruar shëndet, ndërsa popullit të Kosovës mirëqenie dhe prosperitet.
Ndërkaq, Presidenti i Hungarisë, Andras Baka, ka rikonfirmuar mbështetjen e vendit të tij për integrimin euroatlantik të Kosovës dhe përpjekjet për stabilitet, paqe e prosperitet ekonomik në rajon.
Në letrën e tij, ai thuhet se ka theksuar edhe kontributin e vazhdueshëm ushtarak të Hungarisë në misionin e KFOR-it në Kosovë.
Edhe Presidenti i Letonisë, Edgars Rinkevics, ka vlerësuar marrëdhëniet miqësore mes dy vendeve, duke rikonfirmuar angazhimin e Letonisë për forcimin e sigurisë dhe stabilitetit në Ballkanin Perëndimor.
Klikoni KËTU për tu bërë pjesë e kanalit të TV Prizreni në Youtube.
