Presidentja e Republikës së Kosovës, Vjosa Osmani, është liderja më e besuar në rajon.
Të dhënat e nxjerra nga organizata amerikane IRI (International Republican Institute), kanë renditur presidenten Osmani lart në listën e liderëve rajonal.
68 për qind e të anketuarve nga kjo organizatë kanë deklaruar se kanë besim ndaj presidentes Osmani, teksa 66 për qind e tyre kanë besueshmëri ndaj institucionit të Presidentes.
Këshilltari për media i presidentes, Bekim Kupina, deklaroi se “presidentja Osmani dhe institucioni i Presidencës, vazhdojnë me përkushtim, në shërbim të shtetit”.
