Presidentja e Kosovës, Vjosa Osmani, i ka shprehur ngushëllimet e saj popullit gjerman për vdekjen e ish-presidentit të Gjermanisë, Horst Kohler.
E para e vendit, në një postim në platformën “X” shprehu mirënjohje të thellë për Kohler, gjatë mandatit të së cilit Gjermania njohu dhe mbështeti pavarësinë e Kosovës.
“Ngushëllimet tona më të thella popullit gjerman për ndarjen nga jeta të ish-presidentit Horst Köhler. Gjatë mandatit të tij, Gjermania njohu dhe mbështeti pavarësinë e Kosovës – një moment historik për kombin tonë. Ne mbetemi përjetësisht mirënjohës për mbështetjen e tij të palëkundur. Mendimet tona janë me familjen e tij dhe popullin gjerman në këtë kohë të vështirë”, ka shkruar presidentja Osmani.
