Mëngjesin e sotëm, Stacioni Policor në Prizren ka kryer disa kontrolle të befasishme në zbatim të planit operativ “Siguria e nxënësve”.
Policia bën të ditur se në këtë plan kanë qenë të përfshirë shumë zyrtarë policor, si nga patrullat, ashtu edhe nga hetimet dhe njësitë e tjera të stacionit të cilët janë ndarë në grupe dhe kanë mbajtur pika kontrolli në lokacione të ndryshme.
Sipas njoftimit të Policiës, cak i kontrollit kanë qenë autobusët që bartin nxënës dhe në bazë të dyshimeve, disa prej nxënësve janë kontrolluar. Kontrollet janë kryer me qëllim të parandalimit të veprave penale të ndryshëm e në veçanti është kërkuar për mjete të rrezikshme dhe armë të ftohta e armë të zjarrit. Gjatë këtyre kontrolleve fatmirësisht nuk është gjetur asgjë e kundërligjshme, njofton Policia.
“Policia e Kosovës do të vazhdojë me përkushtim në parandalimin e veprave penale dhe ofrimin e sigurisë për të gjithë qytetarët e veçanërisht do të përkujdesemi për sigurinë në shkolla dhe rreth tyre.”, thuhet në fund të njoftimit./TVPrizreni/