Drejtoria Rajonale e Policisë përmes një komunikate për media ka njoftuar aktivitetet e Policisë në Prizren.
Njoftimi i plotë:
“ Ku tani kemi fluks të madh të automjeteve në rrugë, Policia Rajonale në Prizren ka filluar me zbatimin e planit operativ “Alkoholi”, një aktivitet i përbashkët te NJRKRR me Stacionet Policore- Prizren, Prizren-Veri dhe Suharekë nën mbështetjen e NJRSH-së .
Policia ka vazhduar me aktivitetet e saja ne parandalimin e aksidenteve ne komunikacion. Ku janë mbajtur pika kontrolli në orët e vona me datë 30,31/07/21 dhe 01.08.2021, nga ora 23:30-02:00 .
Në angazhimet policore, gjatë realizimit të detyrave janë gjetur parregullsi në kundërvajtje në trafik dhe për këtë Policia ka shqiptuar 47 tiketa.
Mos respektimi i shpejtësisë së kufizuar janë shqiptuar 23 gjoba.
Nisje e vrullshme 3 gjoba.
Ndërrimi i shiritave 1 gjobe.
Drejtimin e automjetit në ndikimin e alkoolit 3 gjoba.
Drejtimi i mjetit pa patentë shofer 1 gjobë.
Mos përdorimi i rripit të sigurisë 7 gjoba.
Skadimi i afatit të regjistrimit 1 gjobë.
Xhamat e errët, vendosja e foljes ose materialit tjetër 2 gjoba.
Pa drita 5 gjoba.
Mungesa e dokumenteve me veti 1 gjobë.
Ky aktivitet i Policisë, me masa te shtuara , ka për qellim të parandalimit të aksidenteve në komunikacionin rrugor dhe i fton qytetarët që të bashkëpunojnë me policinë. Për te gjitha kundërvajtjet që mund të shkaktohen në komunikacion, ku qytetarët mund te dërgojnë informatat (foto dhe sekuenca) në adresat tona elektronike të policisë (të dhënat e tyre do të ruhen me konfidencialitet të plotë).
Me këtë aktivitet Policia do të vazhdojë edhe në ditët në vijim.”, thuhet në njoftimin nga Zyra për Informim dhe Marrëdhënie me Publikun e Drejtorisë Rajonale të Policisë në Prizren.
