Policia e Kosovës ka bërë të ditur se kanë arritur të paranadalojnë kontrabandën me mallra për në Serbi.
Në njoftim thuhet se, Policia Kufitare e Kosovës gjatë realizimit të detyrave përgjat Sharpelit dhe Bistricës, ka vërejtur një veturë duke tentuar të kaloj nga Bistrica për në fshatin Mure të Serbisë. Të njëjtin policia e ka ndaluar për kontrollë dhe kanë gjetur se i dyshuari me veturën e tij po transportonte pako të duhanit.
“Me datën 10.05.2023, rreth orës 20:30, Policia Kufitare e Kosovës me njësitet e saj gjatë realizimit të detyrave dhe autorizimeve ligjore në menaxhimin dhe kontrollin e kufirit shtetror në patrullim e sipër, përgjatë Sharpelit dhe Bistricës (rrugë e cila të dërgon në Serbi përmes rrugës alternative) kanë vërejtur një automjet VW Passat duke tentuar të kalojë nga Bistrica (Republika e Kosovës) për në fshatin Mure (Serbi), të cilin edhe e kanë ndaluar për verifikim dhe kontroll. I dyshuari me automjetin e lartcekur (VW) transportonte ngarkesë me pako të duhanit”, thuhet në njoftim.
Ndërsa, lidhur me rastin janë njoftuar autoritetet doganore dhe me urdhër të prokurorit kujdestar është iniciuar rasti për ”Kalim të pa autoroziuar të kufirit dhe kontrabandë me mallra”.
Kurse, pakot me duhan me urdhër të prokurorit dërgohet në terminalin doganorë për procedura tjera.