Drejtoria Rajonale e Policisë në Prizren, e udhëhequr nga koordinatori i projekteve, së bashku me zyrtarët policorë të Stacionit Policor të Prizrenit, zyrtarë nga Drejtoria e Hetimit të Trafikimit me Narkotikë (DHTN) të rajonit të Prizrenit, si dhe ekipin policor K-9 “Perëndimi” nga njësitë speciale policore, njofton se ka realizuar të enjten, fushatën kundër narkotikëve me projektin “Errësirë – dritë”.
Siç bëhet e ditur, aktiviteti është zhvilluar në një shkollë të mesme në Prizren, ku morën pjesë nxënësit dhe psikologu i shkollës. Fillimisht, nxënësit u njoftuan me projektin dhe mesazhin senzibilizues “STOP DROGAVE”, përmes një ligjërate vetëdijesuese. Më pas, thuhet se nxënësve iu dha mundësia të japin mesazhet e tyre kundër drogave, të cilat u lexuan gjatë aktivitetit.
