Policia në Prizren hap dyert për nxënësit, ligjërohet për sigurinë në trafik

Gjatë aktivitetit, nxënësit u informuan për rregullat e trafikut dhe rëndësinë e respektimit të tyre, ndërsa u mbajt edhe një prezantim me temën “Siguria në trafik”, ku u theksua roli i edukimit të hershëm në parandalimin e aksidenteve dhe ndërtimin e një kulture të sigurt në komunikacion.

Ky aktivitet kishte për synim rritjen e ndërgjegjësimit të të rinjve për sigurinë rrugore, afrimin e tyre me institucionet e rendit si dhe nxitjen e respektimit të rregullave të trafikut që në moshë të hershme. Policia e Kosovës ka theksuar se do të vazhdojë bashkëpunimin me institucionet arsimore përmes aktiviteteve të ngjashme edukative.