Një nxënës i moshës 14-vjeç ka mbetur i vdekur nga plagët që ka marrë pas therjes me thikë, në lagjen “Kodra e Trimave”, në Prishtinë.
Lajmin për FrontOnline e ka konfirmuar zëdhënësja e Policisë pë Rajonin e Prishtinës, Flora Ahmeti.
“Bazuar në të dhënat fillestare, personi i cili dyshohet se ka marrë lëndime të rënda nga një mjet i mprehët (thikë) dhe i njëjti është dërguar në Qendrën e mjekësisë Familjare (QMF), ku dhe është konstatuar vdekja e tij.Vdekjen e viktimës R.H. mashkull 14 vjeç, e ka konstatuar ekipi mjekësor në QMF”, ka thënë ajo për FrontOnline.
Sipas saj Policia rreth orës 07:30, ka pranuar informatën për një rast vrasje, në rrugën “Fahri Fazliu”, në Prishtinë.
“Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore. Aktualisht hetuesit policor kanë nisur një hetim për sqarimin e të gjitha rrethanave që lidhen me rastin”, ka shtuar ajo.