Policia e Shtetit ka bërë të ditur se Specialistët për Hetimin e Krimeve në Komisariatin e Policisë Lezhë, në bashkëpunim me Forcat e Posaçme “Shqiponja”, kanë kapur dhe arrestuar shtetasin K.H., 28 vjeç, banues në fshatin Rrilë të Lezhës.
Sipas njoftimit të Policisë shqiptare, 28-vjeçari është kapur dhe vënë në pranga me qëllim ekstradimi drejt Kosovës.
Bëhet e ditur se ky shtetas ishte i shpallur në kërkim ndërkombëtar, pasi Gjykata Themelore e Prizrenit, më datë 12.05.2025, ka vendosur masën e sigurisë “Arrest në burg”, i dyshuar për kryerjen e veprës penale “Vjedhje e rëndë”.
Interpol Tirana në bashkëpunim me autoritetet kosovare vijon procedurat për ekstradimin e tij drejt Kosovës, thuhet në fund të këtij njoftimi.
Klikoni KËTU për tu bërë pjesë e kanalit të TV Prizreni në Youtube.
