Policia e Kosovës ka apeluar tek shoferët që të tregojnë kujdes të shtuar gjatë ngasjes në kushte të shiut, për të garantuar sigurinë e tyre dhe të pjesëmarrësve të tjerë në komunikacion.
Në njoftim theksohet se rrugët e lagura rrisin rrezikun e aksidenteve dhe kërkohet respektimi i disa këshillave thelbësore:
Mbani dritat e ndezura për dukshmëri më të mirë.
Zvogëloni shpejtësinë, pasi rruga e lagur kërkon distancë më të gjatë për frenim.
Shmangni shpërqendrimet, veçanërisht përdorimin e telefonit gjatë ngasjes.
Krijoni distancë pasuese mes automjeteve, për të parandaluar përplasjet.
“Mos lejoni që reshjet t’ju ndalin nga kujdesi – siguria është në duart tuaja”, thuhet në apelin e Policisë së Kosovës.
