Policia në Mitrovicën Veriore ka zhvillua një aksion të madh duke konfiskuar armë, pajisje për prodhimin e kriptovalutave dhe pajisje tjera të dyshimta, raporton Sinjali.
Gjatë mëngjesit të sotëm Policia është njoftuar se në një lokacion ka mjete të dyshuara, ku kanë ndërmarrë veprimet e menjëhershme duke kryer një kontroll në rrugën, “Kollashini“ në qytetin e Mitrovicës Veriore.
Kontrolli është realizuar në një shtëpi dhe në objektet përcjellëse të saj.
Dëshmitë e gjetur dhe të konfiskuar janë:
• Një armë e gjatë(pushkë ajrore),
• Pesë (5) Kartela Grafike për prodhimin e Kriptovalutave me pajisje përcjellëse,
• Dyzet e dy (42) minera për prodhim të Kriptovalutave me pajisje përcjellëse,
• Një (1) shtëpizë e Kompjuterit
• Një (1) karikator i revoles
• Katërmbëdhjetë (14) fishek të revoles kalibri 9 mm
• Një (1) Radiolidhje
• Një (1) kamerë vëzhgimi,
• Një (1) Divijar,
• Një (1) vulë metalike dhe
• Një (1) Letërnjoftim
Aparatet për prodhimin e kriptovalutave do t’i dorëzohen Doganës së Kosovës.
Në vendin e ngjarjes nuk është hasur ndonjë person i dyshuar, mirëpo është identifikuar një person dhe i cili është me interes për Policinë që të intervistohet.
Në lidhje me rastin është njoftuar Prokurori i Shtetit i cili ka urdhëruar inicimin e rastit ‘’Mbajtja në pronësi, kontroll ose posedim i pa autorizuar të armëve’’.
/GazetaSinjali/