Shfaqja e kompanisë arabe “Eagle Hills”, e cila fitoi tenderin për dhënien me qira të shumicës së plazheve në Ulqin, bëri bujë në Mal të Zi.
Kjo është një kompani që dëshiron ta kthejë qytetin më jugor malazez në, siç thonë ata, Dubain e ri. Polemikat janë qetësuar për faktin se plazhet u janë dhënë qiramarrësve vendas këtë sezon, por polemikat rreth planeve për vizionin e Ulqinit për të ardhmen nuk janë shuar.
Konkretisht, projektligjet që e kthejnë menaxhimin e zonës bregdetare në kuadrin vendor, janë dorëzuar në procedurë parlamentare nga kryetarët e komunave bregdetare nëpërmjet zëvendësve të tyre. Në një bisedë me kryeministrin janë pajtuar që të nominohen projektet që do t’i dërgojnë investitorit Alabar, por me mirëkuptimin se Ulqini nuk do ta pranojë ofertën ekzistuese për investim në Velika Plaza.
Projekti i ri zhvillimor i Ulqinit do të përfshinte një qira 99-vjeçare të Velika Plaza dhe një investim prej 30 miliardë dollarësh, i cili do të mirëpresë turistët perëndimorë. Qiramarrësit ulqinakë, së bashku me kryesinë vendase, nuk duan një Dubai të ri në qytetin e tyre, duke u shprehur se nuk është shkretëtirë.
Njëri prej tyre, Albert Kastrati, thotë se duan të shohin investime në plazhet e Ulqinit, por fokusi duhet të jetë tek popullata vendase, shkruan Euronews.
“Sigurisht që jemi pro investimeve, por jo në këtë mënyrë. Jo se nuk hyjmë nga dera kryesore, por nga dera anësore, sigurisht me marrëveshjen e komunitetit lokal dhe publikut profesional”, thotë ai.