Drejtori i të ashtuquajturës Zyrë për Kosovën në Qeverinë e Serbisë, Petar Petkoviq, do ta vizitojë Kosovën me rastin e festave të Krishtlindjes më 6 dhe 7 janar, njoftoi sot zyra e tij, shkruan b92, transmeton Klan Kosova.
Sipas raportimeve, në ditën e Krishtlindjes, Petkoviq do të marrë pjesë në djegien e pemës së Krishtlindjes në Zubin Potok, në portën e Kishës Svete Trojice në orën 16:30, pas së cilës do të bisedojë me qytetarët e mbledhur aty.
