Pesë persona janë goditur nga rrufeja të dielën në Prevallë.
Zëdhënësi i Policisë për rajonin e Prizrenit, Shaqir Bytyqi, i ka thënë KOHËS se një nga viktimat, e cila është grua, është në gjendje të rëndë shëndetësore.
Sipas tij, rasti ka ndodhur rreth orës 12:15.
“Me datën 18.08.2024 rreth orës 12:14, policia ka marre informatën se në Prevallë rrufeja ka goditur pesë persona. Njëra nga viktimat, femër është në gjendje më të rëndë”, ka thënë ai./KOHA/
