Në kuadër të projektit “Paratë tona, Idetë tona, Prizreni ynë”, sot u votuan projektet më të mira në fshatrat Velezhë, Piranë dhe Gjonaj.

Komuna e Prizrenit ka njoftuar se në Velezhë u votua projekti për ndërtimin e sallës sportive në hapësirën e shkollave, në Piranë u votua për projektin “Qendra Kulturore“ kurse në Gjonaj për projektin e renovimit të shkollës së vjetër.

Kurse, kryetari Shaqir Totaj është zotuar se të gjitha projektet e votuara nga qytetarët do të hyjnë në buxhetin e komunës dhe do të implementohen brenda afatit në vitin 2025.