KRU “Hidroregjioni Jugor” në Prizren, përmes faqes zyrtare në facebook, ka njoftuar se për shkak të ndërprerjes së energjisë elektrike, gjatë datës 05.07.2024, disa fshatra të kësaj komune nuk do të furnizohen me ujë të pijshëm prej orës 10:30 deri në orën 16:00.
Fshatrat e Prizrenit që nuk do të furnizohen me ujë të pijshëm gjatë kësaj kohe janë fshati Planejë, Groozhup, Mile, Mazrek, Gjonaj, Grazhdanik, Nashec, Tupec, Atmaxhë, Kobaj, Vlashnje, Kojushë dhe një pjesë e qytetit të rrugës së Nashecit.
“Me rastin e rikthimit të energjisë elektrike, do të rikthehet furnizimi i rregullt me ujë të pijes.Ju falënderojmë për mirëkuptim!”, thuhet në fund të këtij njoftimi.
