Pas derivateve, Qeveria ka paralajmëruar se është duke shqyrtuar mundësinë edhe për marrjen e masave ligjore për produktet bazike, në mënyrë që t’i mbrojë konsumatorët.
Çmimi tavan apo caktimi i marzhës tregtare për grurin, miellin, bukën, vajin, vezët, pastat, qumështin, kripën, detergjentin, janë dy mundësitë që janë duke u shqyrtuar nga ekzekutivi.
Ministrja e Industrisë, Ndërmarrësisë dhe Tregtisë, Rozeta Hajdari, ka thënë se vendosja e masës do të varet nga analiza e situatës.
“Ashtu sic kemi vepruar me naftën, mund të veprojmë edhe me produktet e tjera, por kjo varet prej analizës së situatës nga vet grupi punues. Nuk po them sot si ministri se do të vendosim çmim tavan, por do të marrim një masë që do të ndalojë spekulimet sepse jemi të informuar në bazë ditore nga Dogana për çmimet furnizuese nga importi”, u shpreh Hajdari.
https://www.youtube.com/watch?v=tP602M4DK9I&feature=emb_title