Komuna e Prizrenit ka reaguar pas rastit të zhdukjes së një personi në rrugën Prizren–Reçan, duke njoftuar se menjëherë pas pranimit të informacionit është organizuar një aksion i koordinuar kërkim-shpëtimi nga institucionet dhe shërbimet kompetente.
Sipas njoftimit, në aksion kanë marrë pjesë drejtori i Emergjencave dhe Sigurisë, Sead Arifi me ekipin e tij, pjesëtarë të Policisë së Kosovës, Njësia e Zjarrfikësve të Prizrenit, ekipet profesionale të kërkim-shpëtimit, si dhe shumë qytetarë që kanë qenë të angazhuar gjatë gjithë natës në terren.
Falë reagimit të shpejtë dhe koordinimit ndërinstitucional, personi i zhdukur është gjetur i gjallë në orët e hershme të mëngjesit, me lëndime të lehta trupore.
