Kryetari i komunës së Prizrenit, Shaqir Totaj, i cili vjen nga radhët e Partisë Demokratike të Kosovës, ka reaguar pas dyshimeve për parregullsitë e evidentuara gjatë procesit të rinumërimit të votave, përbrenda subjektit të PDK-së në këtë komunë.
Totaj me anë të një shkrimi në rrjetin social Facebook ka deklaruar se si kryetar i PDK-së në Prizren do të kërkojë përgjegjësi lidhur me këtë parregullsi.
“Si kryetar i degës së PDK-së në Prizren do të kërkoj përgjegjësi dhe llogaridhënie të plotë, sepse çdo shkelje është përgjegjësi individuale dhe duhet trajtuar në përputhje me ligjin dhe rregulloret në fuqi. Kjo nuk është PDK-ja për të cilën kemi punuar dhe investuar me vite, dhe këto veprime nuk e përfaqësojnë frymën dhe vlerat tona.
