Parlamentet Studentore të Universiteteve Publike kanë kërkuar mbajtjen fizike të ligjëratave, dhe këtë e kanë bërë përmes një shkrese drejtuar autoriteteve vendimmarrëse.
“Duke marrë parasysh që MASH në bashkëpunim me Ministrinë e Shëndetësisë dhe IKSHPK-në, ka marrë vendim që arsimi parauniversitar të fillojë fizikisht nga data 19.4.2021, ne si Parlamente Studentore të Universiteteve Publike në Kosovë, vendosëm që përmes kësaj shkrese të kërkojmë që edhe arsimi i lartë të rikthehet fizikisht në objektet universitare”, thuhet në letrën e PS-ve.
“Rikthimi në formë fizike i ligjëratave dhe ushtrimeve në arsimin e lartë është nevojë që po shihet çdo ditë, andaj reflektimi edhe në këtë nivel të arsimit është i domosdoshëm”.
