Shërbimi Korrektues i Kosovës ka njoftuar se gjatë një bastisjeje rutinore në Qendrën Korrektuese të Dubravës janë zbuluar dy telefona mobilë, të cilët dyshohet se janë hedhur nga jashtë institucionit.
Sipas njoftimit, zyrtarët korrektues kanë gjetur një pako të dyshuar në zonën sterile, afër rrethojës së institucionit.
Pas hapjes së pakos në zyrën e sigurimit, janë zbuluar dy telefona mobilë të tipit iPhone, pa kartela SIM, si dhe dy kabllo për mbushje.
