Papa Françesku synon që së shpejti të realizojë një vizitë në Kosovë.
Kështu ka thënë vetë ai në një intervistë për revistën spanjolle Vida Nueva, të botuar sot.
“Jemi duke punuar për vizitë në Kosovë, por asgjë nuk është vendosur”, tha Papa Françesku.
Ai po ashtu ka paralajmëruar vizita në Argjentinë, si dhe Uruguaj.
Në këtë intervistë, Papa Françesku zbuloi se ai po konsideron emërimin e një “përfaqësuesi të përhershëm” për të “shërbyer si urë” midis Rusisë dhe Ukrainës, në të njëjtën kohë që ai njoftoi se i dërguari i tij special për të ndërmjetësuar luftën do të udhëtojë në Pekin, duke pasur parasysh se tashmë ka vizituar Kievin, Moskën dhe Uashingtonin.
