Një qytetar sot i ka dërguar Televizionit të Prizrenit disa pamje nga vatra e zjarrit që është shfaqur në Majën e Rrunës mbi Tunelin e Kalimashit, e cila prej tre ditësh po mbahet nën kontroll nga Forcat e Armatosura të Divizionit të Kukësit, duke njoftuar kështu më tej për situatën aktuale në atë hapësirë.
Njoftimi i plotë dhe pamjet:
“Vatra e zjarrit e cila është shfaqur në Majën e Rrunës mbi Tunelin e Kalimashit prej 3 ditësh po mbahet nën kontroll nga Forcat e Armatosura të Divizionit të Kukësit.
Djemtë e FA kanë arritur të shuajnë 7-8 vatra zjarri në territorin e Kukësit.
Është e vetmja vatër zjarri në këtë majë pasi era po e favorizon më shumë përhapjen e zjarrit ,gjithashtu është një terren i vështirë.
Të gjithë Ushtarët e Divizionit të Kukësit janë angazhuar për shurajen e zjarrit në këtë maje.
Sipas Ministrisë së Mbrojtjes është angazhuar një helikopter per t’ju ardhur në ndihmë grupit të aksionit.”