Përfaqësuesi i Departamentit të Shtetit Amerikan për Ballkanin Perëndimor, Matthew Palmer, në një intervistë për televizionin serb N1 ka folur edhe për çështjen e vendosjes së ambasadave në Jerusalem.
Palmer kur është pyetur për Serbinë, ka thënë se i takon Beogradit zyrtar ta përcaktojë se ku e dëshiron lokacionin e Ambasadës.
Megjithatë ka thënë se për Shtetet e Bashkuara të Amerikës çështja e vendosjes së Ambasadës në Jerusalem është çështje e mbyllur.
“Para se gjithash është vendim i Serbisë, se ku dëshiron që Ambasada të vendoset. E jona është në Jerusalem dhe aty do të mbetet”, ka thënë Palmer.
