Kryetari i AKR-së, Behgjet Pacolli ka reaguar pas rezultatit të zgjedhjeve.Pacolli përmes një postimi në Facbook u shpreh se në një demokraci, është e rëndësishme të pranosh rezultatin dhe të përgëzosh kundërshtarin.
“Do të doja të falënderoja të gjithë qytetarët e vendit që vendosën edhe një herë një standard të lartë në këtë proces zgjedhor, pa ndonjë incident dhe me dalje të lartë”, tha Pacolli.
Më poshtë postimi i plotë:Kur numërimi i votave po shkon drejt fundit, ne mund të konstatojmë se fituesi i zgjedhjeve është LVV. Në një demokraci, është e rëndësishme të pranosh rezultatin dhe të përgëzosh kundërshtarin. Unë do të doja të falënderoja të gjithë qytetarët e vendit që vendosën edhe një herë një standard të lartë në këtë proces zgjedhor, pa ndonjë incident dhe me dalje të lartë. Pas certifikimit të rezultateve është e rëndësishme konstituimi i Kuvendit të ri dhe zgjedhja sa më parë e Qeverisë së re.