Nuk janë shënuar gola në pjesën e parë të ndeshjes miqësore mes Zvicrës dhe Kosovës që po zhvillohet në Zuerich. Kosova ka pasur përkrahje të madhe nga tribunat, ndërsa ndeshja ishte e hapur e me raste shënimi.
Në fazën finale të pjesës së parë portieri i Kosovës, Aro Muriq priti dy goditje nga distanca. Fillimisht në minutën e 39-të provoi Steven Zuber. Ndërsa në minutën e 43-të goditi fuqishëm Xherdan Shaqiri. Por në të dy rastet Muriq ishte në vend.
