Presidentja e vendit, Vjosa Osmani ka uruar Marco Rubion, i cili është konfirmuar si sekretar i 72-të i shtetit amerikan.
Në X, ajo ka shkruar se Kosova mezi pret të punojë me sekretarin Rubio.
“Urime Marco Rubio për konfirmimin tuaj unanim si Sekretari i 72-të i Shtetit i SHBA-së. Kosova mezi pret të punojë me ju për të forcuar aleancën tonë të qëndrueshme, për të promovuar vlerat tona të përbashkëta dhe për të adresuar sfidat e kohës sonë së bashku. Në emër të popullit të Kosovës ju uroj suksese në këtë rol të rëndësishëm”, ka shkruar Osmani.
Rubio u bë i pari i nominuar i Donald Trumpit që mori konfirmim nga Senati.
Marco Rubio, ish senator republikan nga Florida, është ndër kandidatët më pak të debatueshëm të Presidentit Trump dhe votimi ishte vendimtar 99-0.