Presidentja e Kosovës, Vjosa Osmani, ka uruar Bajram Begajn për marrjen e detyrës së presidentit të Shqipërisë. Ajo zotuar se bashkë, të dy, do të punojnë për thellim të raporteve vëllazërore.
“Urime të përzemërta për presidentin e sapozgjedhur të Shqipërisë, z. Bajram Begaj! Ju uroj suksese në rolin tuaj të ri dhe shumë të rëndësishëm. Së bashku do të punojmë që raportet vëllazërore ndërmjet Kosovës e Shqipërisë t’i thellojmë edhe më tej, si dhe t’i sjellim vendet tona më afër BE-së”, ka shkruar ajo në Facebook.
