Presidentja e Kosovës, Vjosa Osmani, gjatë qëndrimit në Forumin Europian Alpbach, më 25.08.2025 u takua me gjeneratën e të rinjve shqiptarë në Austri.

Osmani në një postim në Facebook ka shkruar se këta të rinj kanë të përbashkët dashurinë për vendin dhe vendosmërinë për ta bërë Kosovën më të mirë.

“Një gjeneratë që nuk njeh kufij! Pasdite e bukur në zemër të Alpeve austriake, mes të rinjve të jashtëzakonshëm shqiptarë në Forumin Evropian Alpbach. Të gjithë kanë një të përbashkët: dashurinë për vendin dhe vendosmërinë për ta bërë Kosovën më të mirë”, -shkruan Osmani në Facebook.