Presidentja e vendit, Vjosa Osmani, ka reaguar lidhur me vdekjen e 27-vjeçarit nga Lipjani, ku dyshohet se ka ndodhur gjatë ndërhyrjes së policisë.
Ajo ka thënë se të gjitha rrethanat e këtij rasti duhet të hetohen menjëherë.
“Ngjarja e rëndë dhe tronditëse e vdekjes së një të riu 27-vjeçar, rreth së cilës ekzistojnë dyshime serioze se ka ndodhur gjatë ndërhyrjes së policisë, kërkon urgjentisht transparencë të plotë, përgjegjësi institucionale dhe drejtësi të pakompromis. Të gjitha rrethanat e këtij rasti duhet të hetohen menjëherë, në mënyrë të pavarur dhe profesionale dhe secili zyrtar që mund të ketë shkelur ligjin apo tejkaluar kompetencat duhet të vihet përpara drejtësisë pa asnjë vonesë. Askush nuk është mbi ligjin”, shkruan në njoftimin e Presidencës.