Presidentja e vendit, Vjosa Osmani ka kujtuar 24 vjetorin e bombardimeve të NATO-s ndaj me fjalimin e historik të ish-presidentit amerikan, Bill Clinton, për fillimin e fushatës bombarduese kundër forcave serbe.
“24 vite që kur bota demokratike ndaloi shfarosjen e popullit tonë. Faleminderit përjetësisht”, ka shkruar Osmani.
Më 24 mars të vitit 1999, aeroplanët e NATO-s lëshuan raketat e para kundër pozicioneve strategjike të ushtrisë së ish-Jugosllavisë, siç quheshin dy republikat e ish federatës jugosllave, Serbia dhe Mali i Zi. Urdhrin për fillimin e fushatës bombarduese e kishte dhënë presidenti i Shteteve të Bashkuara të Amerikës, Bill Clinton.
