Presidentja Vjosa Osmani, gjatë vizitës në Nju Jork është takuar me homologun e saj nga Estonia, Alar Karis, me të cilin ka biseduar mbi thellimin e marrëdhënieve dypalëshe, zhvillimet në rajon, si dhe bashkëpunimin e mëtejmë.
Osmani e falënderoi homologun estonez për mbështetjen e vazhdueshme dhënë anëtarësimit të Kosovës në Këshillin e Evropës dhe në organizatat e tjera ndërkombëtare.
Ajo theksoi përkushtimin e Kosovës për ta avancuar integrimin euroatlantik dhe në të njëjtën kohë shtroi nevojën e përmbylljes urgjente të liberalizimit të vizave.
