Presidentja e Kosovës, Vjosa Osmani, me rastin e përvjetorit e grevës së famshme të minatorëve të Trepçës, ka nderuar kontributin dhe sakrificën e tyre, duke theksuar rëndësinë historike të kësaj ngjarjeje.
Presidentja e cilësoi grevën e minatorëve si një akt të jashtëzakonshëm që sfidoi regjimin që synonte ta shuante identitetin kombëtar të shqiptarëve.
“Greva e tyre nuk ishte vetëm një akt sindikal, por një shpërthim i ndërgjegjes kombëtare. Nderim dhe kujtesë e përhershme për minatorët, të cilët ishin dhe mbeten pishtarët e lirisë, dëshmitarë të guximit dhe krenarisë sonë kombëtare.”, përfundon presidentja.
