Presidentja e vendit, Vjosa Osmani ka folur për familjen, çështjet shoqërore, si dhe për mënyrën se si e ka festuar dhe si e feston Vitin e Ri.
Osmani po ashtu bëri thirrje të fortë kundër dhunës ndaj grave, duke dhënë një mesazh frymëzues dhe mbështetës.
“Mos e duroni dhunën, sepse gjithmonë ekziston një zgjidhje që është shumë më e mirë. Ndoshta në një moment nuk duket e lehtë, por në afatgjatë ajo është zgjidhja më e mirë për nënën dhe për fëmijët. Largimi nga një situatë e dhunshme gjithmonë shpëton jetë, sepse asnjëherë durimi i dhunës nuk ka krijuar familje të lumtura,” tha Osmani në T7.
