Miku i mirë i Kosovës në Evropë, zëvendëspresidenti i Parlamentit Evropian, Ranier Wieland, u prit nga presidentja e vendit, Vjosa Osmani, këtë të premte.
Osmani në këtë takim deklaroi se e ardhmja e sigurt e rajonit është e mundshme me anëtarësimin e Kosovës dhe shteteve të Ballkanit Perëndimor në BE dhe NATO, njofton Klankosova.tv.
Tutje, Osmani i ka përsëritur Wielandit se Kosova tashmë i ka plotësuar të gjitha kriteret për liberalizim vizash, ndaj në këtë kontekst ka kërkuar që BE-ja ta mbajë premtimin ndaj kosovarëve.
Në takim është biseduar edhe për situatën aktuale të krijuar pas agresionit të Rusisë ndaj Ukrainës.
Ku Osmani sërish ka theksuar se Kosova është në anën e Ukrainës dhe popullit të saj, duke konsideruar të drejtën e patjetërsueshme të saj për ta mbrojtur sovranitetin dhe integritetin e vet territorial.
Klikoni KËTU për tu bërë pjesë e kanalit të TV Prizreni në Youtube.
