Presidentja e Kosovës, Vjosa Osmani, ka thënë se Qeveria kanë marrë të gjitha masat që Qendra e Mjekësisë Familjare në Deçan të furnizohet me të gjitha barnat e nevojshme për të trajtuar pacientët të cilët janë shtrirë si pasojë e helmimeve shkaku i të cilave nuk dihet ende.
“Është një rast shumë i çuditshëm sepse deri sot kryesisht fshatrat nga të cilat kanë ardhur qytetarët e helmuar kanë qenë të furnizuar nga një burim i vetëm i ujit, por ndërkohë ka edhe qytetarë të tjerë nga fshatra të tjerë që janë të furnizuar nga burime të tjera. Tani po presim edhe analizat biologjike që pritet brenda orëve të përfundojnë”, ka thënë ajo para mediave.
Osmani ka thënë se pret nga institucionet përkatëse ta trajtojnë me urgjencë këtë rast.
“Ofruam të gjithë mbështetjen tonë, komunës që çfarëdo nevoje që ka të mbështesim komunën dhe këtë qendër në Deçan”.
Ministrja e Punëve të Jashtme, Donika Gërvalla, ka thënë se po ofrojnë të gjithë potencialin që të vijnë në ndihmë për të vërtetuar shkakun e helmimeve në komunën e Deçanit.
“Si qeveri jemi të ndërgjegjshëm për situatën në Deçan, kryetari i komunës ka shpallur gjendjen emergjente që na vë parasysh se me çfarë gjendje kemi të bëmë. Kemi filluar koordinimin mes kolegëve që të gjejmë zgjidhje. Kryetari i komunës na informoi rreth gjendjes që gjithçka që filloi të dukej si virus ka filluar të shpërndahet. Jemi të ajo çfarë fillimisht u mendua të jetë një farë mikrobi në ujë., momentalisht nuk është konfirmuar prandaj jemi në kërkim me të gjithë potencialin tonë”.