Presidentja Vjosa Osmani ka pritur në takim të martën kryesuesin e Komisionit Qendror të Zgjedhjeve, Kreshnik Radoniqi.
Në njoftimin e lëshuar nga Presidenca, thuhet se në këtë takim është diskutuar për përgatitjet dhe konsultimet që po bëhen lidhur me caktimin e datës së zgjedhjeve të rregullta parlamentare.
“Kryesuesi i KQZ-së, e njoftoi Presidenten Osmani lidhur me çështjet që sipas KQZ-së është me rëndësi të merren parasysh gjatë vlerësimeve rreth caktimit të datës së zgjedhjeve”, thuhet në njoftim.
Më tej bëhet e ditur se temë diskutimi qe edhe votimi nga mërgata dhe hapat që duhet të ndërmerren që kjo e drejtë të realizohet siç është përcaktuar në ligjin e ri./KOHA/
Klikoni KËTU për tu bërë pjesë e kanalit të TV Prizreni në Youtube.
