Presidentja e Kosovës, Vjosa Osmani, dhe kryeministri në detyrë i Kosovës, Albin Kurti, kanë uruar Krishtlindjen komunitetit serb të besimit ortodoks.
Osmani ka uruar që për të gjithë qytetarët e besimit ortodoks kjo festë të jetë një burim paqeje, harmonie dhe dashurie në çdo familje, duke afruar zemrat, forcuar mirëkuptimin dhe sjellë shpresë për ditë më të mira.
“Uroj shëndet dhe begati për secilën shtëpi” – ka thënë ajo.
Kurti ka uruar që kjo ditë e shenjtë t’ju sjellë dashuri, mbarësi dhe begati në familjet tuaja.
“Qytetarëve tanë nga komuniteti serb, të besimit ortodoks, që sot kremtojnë Krishtlindjen sipas kalendarit julian, u uroj festë të gëzuar. Kjo ditë e shenjtë ju sjelltë dashuri, mbarësi dhe begati në familjet tuaja. Festofshi në harmoni, mirëkuptim dhe respekt për njëri-tjetrin. Le të na bashkojë e mira. Le të na udhëheqë vullneti për solidaritet dhe punë për më shumë mirëqenie. Uroj që Krishtlindja t’ju gjejë pranë familjes, në shëndet dhe gëzim” – ka thënë ai.