OJQ “EC Ma Ndryshe” ka njoftuar se në kuadër të projektit “Public Spaces 4 ALL”, me komunitetin e personave me sindromën Down është zhvilluar aktiviteti “Public Spaces Diaries” (“Ditarët e Hapësirave Publike”).
Sipas njoftimit, aktiviteti është realizuar në qendrën e DSK në Prizren, me ç’rast me metoda kreative dhe ndërvepruese janë mbledhur përvojat e drejtpërdrejta dhe perceptimet e personave me sindromën down mbi përdorimin dhe cilësinë e hapësirave publike në qytet.
Siç bëhet e ditur, takimi u hap me një prezantim mbi projektin dhe metodologjinë “Public Spaces Diaries”, një qasje pjesëmarrëse që fokusohet në mbledhjen e të dhënave mbi përvojat e përditshme të grupeve të ndryshme të komunitetit në hapësirat publike, përfshirë modelet e përdorimit dhe vëzhgimet praktike mbi funksionalitetin e tyre.
