Organizata Botërore e Shëndetësisë ka deklaruar se vetmia është një kërcënim urgjent global për shëndetin, me kirurgun amerikan që thotë se efektet e saj që çojnë në vdekshmëri janë të njëjta me pirjen e 15 cigareve në ditë.
OBSH-ja ka nisur një komision ndërkombëtar për këtë problem – drejtuar nga kirurgu Vivek Murthy.
- Reklama -
Vjen pasi pandemia COVID-19 ndërpreu aktivitetin ekonomik dhe social, duke ngritur nivelin e vetmisë, por edhe mes një vetëdije të re për rëndësinë e kësaj çështjeje. Komisioni do të jetë funksional për tri vjet, raportoi Guardian.
“Vetmia tejkalon kufijtë dhe po bëhet shqetësim i shëndetit global duke ndikuar çdo aspekt të shëndetit, mirëqenies dhe zhvillimit”, ka thënë emisari i Shoqatës Afrikane për të rinjtë, Chido Mpemba, po ashtu anëtar në komision.
Rreziqet për shëndetin janë aq të këqija sa pirja e 15 cigareve në ditë, e edhe më të mëdha se ato të lidhura me obezitetin dhe pasivitetit fizik, sipas Murthyt.
Teksa vetmia shpesh shihet si problem për vendet e zhvilluara, Murthy ka thënë se shkalla e një në katër njerëz që përjetojnë izolim social është e njëjtë në të gjitha rajonet në botë.
Në të rriturit, vetmia lidhet me 50% të rrezikut të lartë të zhvillimit të demencës dhe 30% të sëmundjeve kardiovaskulare apo infarktit.
Por prek edhe jetët e të rinjve. Mes 5% dhe 15% të adoleshentëve janë të vetmuar, sipas të dhënave. Në Afrikë, 12.7% adoleshentë përjetojnë vetmi, krahasuar me 5.3% në Evropë.
