Afër 90% e votave të hedhura brenda Kosovës tashmë janë numëruar dhe emrat e kandidatëve më të votuar në zgjedhjet e 28 dhjetorit veçse janë bërë të ditur.
Edhe në këto zgjedhje, kandidati që ka marrë më së shumti vota është kryeministri në detyrë dhe kryetari i partisë fituese, Lëvizja Vetëvendosje (LVV), Albin Kurti me 300,708 vota.
Më 1 janar deri në përditësimin e orës 21:00, janë numëruar 2,207 vendvotime nga 2,557 apo 86,31%, njoftohet në ueb-faqen e Komisionit Qendror të Zgjedhjeve (KQZ).
Pas Kurtit, më të votuarit e LVV-së janë:
- Glauk Konjufca – 233,552 vota
- Albulena Haxhiu – 122,997 vota
- Hekuran Murati – 121,568 vota
- Donika Gërvalla-Schwarz – 109,879 vota
Partia Demokratike e Kosovës (PDK) – e dyta në zgjedhje:
- Bedri Hamza – 136,165 vota
- Arian Tahiri – 61,433 vota
- Përparim Gruda – 56,587 vota
- Uran Ismaili – 45,392 vota
- Sala Jashari – 41,603 votaLidhja Demokratike e Kosovës (LDK):
- Lumir Abdixhiku – 67,788 vota
- Hykmete Bajrami – 42,430 vota
- Ukë Rugova – 37,317 vota
- Avdullah Hoti – 33,821vota
- Doarsa Kica-Xhelili – 32,898 vota
Aleanca për Ardhmërinë e Kosovës (AAK):
- Ramush Haradinaj – 35,495 vota
- Daut Haradinaj – 21,022 vota
- Besnik Tahiri – 20,981vota
- Bekë Berisha – 15,369 vota
- Agim Çeku – 14,213 vota
Lista Serbe (LS):
- Sllavko Simiq – 21,306 vota
- Igor Simiq – 20,194 vota
- Liljana Stefanoviq – 19,544 vota
- Milan Kostiq – 16,356 vota
- Nemanja Bisevaq – 16,120 votaEnde nuk janë numëruar votat nga votimi në ambasada e konsullata në diasporë, ato me postë, me kusht dhe personave me aftësi të kufizuara.
Me këto rezultate, Lëvizja Vetëvendosje (LVV) merr 56 ulëse në Kuvendin e Kosovës, Partia Demokratike e Kosovës (PDK) 23, Lidhja Demokratike e Kosovës (LDK) 15, Aleanca për Ardhmërinë e Kosovës (AAK) 6, dhe 20 ulëse të tjera janë të garantuara për partitë e komuniteteve joshumicë. Prej 20 të garantuarave, nga komuniteti serb 9 i ka fituar Lista Serbe (LS) dhe një Nenad Rashiq.
Fituese e zgjedhjeve të 28 dhjetorit është Lëvizja Vetëvendosje me 433 mijë e 394 vota.