Nëse dëshironi që fëmijët tuaj të jenë të sigurt, atëherë ju preferojmë që t’i regjistroni në Medrese.
Medreseja “Alauddin” dega në Prizren i njofton kandidatët e interesuar (djem dhe vajza) për regjistrim në vitin shkollor 2023/2024 si vijon:
Paralelja në Prizren, për djem dhe vajza, e cila funksionon në kuadër të Ministrisë së Arsimit të Republikës së Kosovës, është shkollë e mesme me program të gjimnazit të përgjithshëm shoqëror ku nxënësin aftësohen në shkencat fetare islame edhe në ato të përgjithshme.
Pos lëndëve fetare (islame) si: Kur’an, Tefsir, Hadith, Akaid, FIK etj., aty mësohen edhe gjuha shqipe, gjuha arabe, gjuha angleze, gjuha turke, pastaj lëndët kimi, biologji, fizikë, matematikë, informatikë, sociologji etj.
Pas mbarimit të Medresesë, nxënësit studimet mund t’i vazhdojnë në disa universitete të botës sikurse në Turqi, Malajzi, Bosnje dhe Hercegovina, Egjipt, Arabi Saudite, Austri, Gjermani, SHBA etj.
Në Kosovë, pos fakultetit të studimeve Islame, nxënësit mund të regjistrohen edhe në fakultetin e mjekësisë, juridikut, ekonomisë, ndërtimtarisë, arkitekturës, në shkencat politike, filologji etj., me një fjalë në të gjitha fakultetet sikurse me gjimnaz shoqëror.
Pos mësimeve, Medreseja ofron aftësim në kompjuter, një shujtë ushqimi cilësor dhe një numër lehtësimesh të tjera.
Për informata më të hollësishme drejtohuni në degën e Medresesë në Prizren, ose në Këshillin e Bashkësisë Islame në Prizren, përkatësisht në numrat e telefonit: +383 44 143 364.
Mirësevini në degën e Medresesë në Prizren!