Një granatë dore dyshohet se shpërtheu pas mesnate në veri të Mitrovicës

Një granatë dore dyshohet se ka shpërthyer rreth orës 01.00 pas mesnatës në rrugën “Perandori Dushan” në Mitrovicën e Veriut.

Rastin për RTKlive e ka konfirmuar ushtruesi i detyrës së drejtorit të policisë për veri, Veton Elshani.

“Rreth orës 01.00 dyshohet për shpërthim të një granate dore në rrugën “Perandori Dushan” në Mitrovicën Veriore. Janë shkaktuar dëme të vogla materiale në dritare të një shtëpie. Nuk ka lëndime në njerëz”, ka thënë Elshani.

Ai tha se njësitet kompetente policore kanë dalë në vend të ngjarjes, teksa Policia pas konsultimit me Prokurorin ka hapur rastin “Shkaktim i rrezikut të përgjithshëm”./RTK/