Një person ka vdekur dhe katër të tjerë janë lënduar si pasojë e një aksidenti që ka ndodhur të premten në mbrëmje në tunelin e Kalimashit në Kukës.
Siç ka njoftuar policia e Shqipërisë, aksidenti ka ndodhur pas përplasjes së dy veturave. E vdekur ka mbetur një grua nga Shkopeti. Të lënduarit janë dërguar në spitalin e Kukësit. S’dihet gjendja e tyre shëndetësore, kanë raportuar mediat në Shqipëri.
Sipas njoftimit të Policisë, njëra nga veturat është drejtuar prej një shtetasi të Kosovës.
Policia ka dalë në vendin e ngjarjes dhe po punon në sqarimin e rrethanave dhe shkakut të aksidentit.
