Nisma merr përkrahje në Malishevë: Si kurrë më parë janë rreshtuar krah frymës sonë

NISMA Socialdemokrate mbrëmë mori përkrahjen e fshatrave Goriq, Damanek, Drenoc dhe lagjen Shala në Banjë të Malishevës.Përmes një postimi në Facebook, ata thanë se bashkëluftëtarët e mbështetësit e tyre të shumtë kudo nëpër Kosovë, si kurrë më parë janë rreshtuar krah frymës sonë, përcjell Gazeta Blic.
Postimi i plotë:

Kauza jonë “Me Çlirimtarët” mbrëmë mori përkrahje të madhe në fshatrat Goriq, Damanek, Drenoc dhe në lagjen Shala në Banjë të Malishevës.
Bashkëluftëtarët e mbështetësit tanë të shumtë kudo nëpër Kosovë, si kurrë më parë janë rreshtuar krah frymës sonë dhe kanë vendosur që më 14 shkurt, të votojnë për numrin 121, për një zë të fuqishëm të vlerës së UÇK-së në Parlamentin e Kosovës.